InternationalLatest
നീലകണ്ഠ ഭാനുപ്രകാശ് : ലോകത്തെ ഏറ്റവും വേഗമേറിയ മനുഷ്യകാല്ക്കുലേറ്റര്’
ശ്രീജ.എസ്
ഹൈദരാബാദ്: കാല്ക്കുലേറ്ററിനെക്കാള് വേഗത്തില് കണക്കുകൂട്ടി ലോകചാമ്പ്യനായിരിക്കയാണ് ഇന്ത്യക്കാരന് നീലകണ്ഠ ഭാനുപ്രകാശ്. ലണ്ടനിലെ മൈന്ഡ് സ്പോര്ട്സ് ഒളിംമ്പ്യാഡിലെ (എം.എസ്.ഒ.) മനക്കണക്ക്-ലോക ചാമ്പ്യന്ഷിപ്പിലാണ് ഹൈദരാബാദില്നിന്നുള്ള ഈ ഇരുപതുകാരന് ‘ലോകത്തെ ഏറ്റവും വേഗമേറിയ മനുഷ്യ കാല്ക്കുലേറ്റര്’ പട്ടം നേടിയത്. ഈ മാസം 15-ന് ലണ്ടനില്നടന്ന എം.എസ്.ഒ. ചാമ്പ്യന്ഷിപ്പില് 13 രാജ്യങ്ങളില്നിന്നെത്തിയ 57 വയസ്സില്താഴെയുള്ള 30 പേരോടാണ് ഭാനുപ്രകാശ് മത്സരിച്ചത്.
ഡല്ഹി സെയ്ന്റ് സ്റ്റീഫന്സ് കോളേജിലെ മാത്തമാറ്റിക്സ് ഓണേഴ്സ് വിദ്യാര്ഥിയായ ഇദ്ദേഹം നാല് ലോകറെക്കോഡുകളുടെയും 50 ലിംക റെക്കോഡുകളെയും ഉടമയാണ്.