തലസ്ഥാനത്ത് കോവിഡ് വ്യാപനം കൂടുന്നു

തിരുവനന്തപുരത്ത് ഞായറാഴ്ച 2,020 പേര്‍ക്കു കൂടി കോവിഡ് 19 സ്ഥിരീകരിച്ചതോടെ 15, 205 പേരാണ് ജില്ലയില്‍ കോവിഡ് ബാധിച്ച്‌ ഇപ്പോള്‍ ചികിത്സയിലുള്ളത്. 861 പേര്‍ രോഗമുക്തരായി. രോഗം സ്ഥിരീകരിച്ചവരില്‍ 1,765 പേര്‍ക്കു, സമ്പര്‍ക്കത്തിലൂടെയാണു രോഗബാധയുണ്ടായത്. ഇതില്‍ 7 പേര്‍ ആരോഗ്യ പ്രവര്‍ത്തകരാണ്.
രോഗലക്ഷണങ്ങളെത്തുടര്‍ന്നു ജില്ലയില്‍ 4,145 പേരെക്കൂടി നിരീക്ഷണത്തിലാക്കി. ഇവരടക്കം ആകെ 48,572 പേര്‍ ക്വാറന്റൈനില്‍ കഴിയുന്നുണ്ട്. നിരീക്ഷണത്തിലുണ്ടായിരുന്ന 310 പേര്‍ രോഗലക്ഷണങ്ങളില്ലാതെ നിരീക്ഷണകാലം പൂര്‍ത്തിയാക്കി.