മേയ് 19 ന് ബാറുകളും മദ്യശാലകളും തുറന്നേക്കും; തീരുമാനം പ്രഖ്യാപിച്ച് സർക്കാർ

സിന്ധുമോള്‍ ആര്‍

തിരുവനന്തപുരം: സംസ്ഥാനത്ത് മദ്യശാലകൾ തുറക്കുന്നു. എക്സൈസ് മന്ത്രി ടി.പി.രാമകൃഷ്ണനാണ് മദ്യശാലകൾ തുറക്കാനുള്ള സർക്കാർ തീരുമാനം പ്രഖ്യാപിച്ചത്. എത്രയും വേഗം തുറക്കാനാണ് തീരുമാനം. അതിന്റെ മുന്നോടിയായാണ് കള്ള് ഷാപ്പുകൾ തുറന്നതെന്നും മന്ത്രി.

മാർച്ച് 24നാണ് സംസ്ഥാനത്ത് മദ്യശാലകൾ പൂട്ടിയത്. പല സംസ്ഥാനങ്ങളും തുറന്നെങ്കിലും തിരക്ക് നിയന്ത്രാണാതീതമാകുമെന്ന ആശങ്കയിൽ കേരളം തീരുമാനം വൈകിക്കുകയായിരുന്നു. ഒടുവിൽ ഓൺലൈൻ രജിസ്ട്രേഷനിലൂടെ മദ്യം നൽകാൻ സന്നാഹങ്ങൾ പൂർത്തിയാക്കി കേരളവും മദ്യശാലകൾ തുറക്കുകയാണ്. 17ന് ലോക്ക് ഡൗണിന്റെ ഈ ഘട്ടം അവസാനിക്കും. 19ന് മദ്യക്കടകൾ തുറക്കാനാണ് സാധ്യത.