പ്രജീഷ് വളള്യായി
കോവിഡ് വ്യാപനത്തെ തുടര്ന്നുള്ള സാമ്പത്തിക പ്രതിസന്ധി മറികടക്കാന് ജി.എസ്.ടി.യില് സെസ് ചുമത്താനൊരുങ്ങി കേന്ദ്രം. അഞ്ച് ശതമാനം സ്ലാബിന് മുകളിലുള്ള ജി.എസ്.ടി. വരുമാനത്തില് അത്യാഹിത സെസ് (കലാമിറ്റി സെസ്) ചുമത്തുന്നതിനെക്കുറിച്ചാണ് സര്ക്കാര് ആലോചിക്കുന്നത്.
വരുന്ന ജി.എസ്.ടി. കൗണ്സില് യോഗത്തില് ഈ വിഷയം ചര്ച്ച ചെയ്തേക്കും. നേരത്തെ കേരളത്തില് പ്രളയസമയത്ത് ഇത്തരത്തില് രണ്ട് വര്ഷത്തേക്ക് ഒരു ശതമാനം സെസ് ചുമത്തിയിരുന്നു. ഇതിന്റെ ചുവടു പിടിച്ചാണ് ജി.എസ്.ടിയിലൂടെ കൂടുതല് വരുമാനം കണ്ടെത്തി നിലവിലെ സാമ്പത്തിക പ്രതിസന്ധി മറികടക്കാന് കേന്ദ്ര സര്ക്കാര് ആലോചിക്കുന്നത്.