![“Manju”](https://santhigirinews.org/wp-content/uploads/2020/04/YOUTUBE.jpg")
സൗദിയില്‍ വാട്ടര്‍ മീറ്ററുകള്‍ ഡിജിറ്റല്‍ സംവിധാനവുമായി ബന്ധിപ്പിക്കുന്നു. ഇലക്ട്രോണിക് വാടക കരാര്‍ (ഈജാര്‍) എന്ന സംവിധാനത്തിലേക്കാണ് വാട്ടര്‍ മീറ്ററുകളെ ബന്ധിപ്പിക്കുന്നത്. നാഷനല്‍ വാട്ടര്‍ കമ്പനിയും നാഷനല്‍ ഹൗസിങ് കമ്പനിയും സഹകരിച്ചാണ് ഇത് നടപ്പാക്കുന്നത്.
ഇലക്ട്രോണിക് വാടകസംവിധാനത്തില്‍ രേഖകള്‍ കൈമാറ്റം ചെയ്യുന്നതോടെ ഓരോ ഉപഭോക്താവിന്റെയും കെട്ടിടത്തില്‍ ഘടിപ്പിച്ചിരിക്കുന്ന വാട്ടര്‍ മീറ്ററിന്റെ പ്രവര്‍ത്തനം ഡിജിറ്റല്‍ സംവിധാനത്തിന്റെ ഭാഗമാകും. ഈ മാറ്റം സ്വമേധയാ സംഭവിക്കും. അതിന് ഉപഭോക്താവ് ഒന്നും ചെയ്യേണ്ടതില്ല. വാട്ടര്‍ മീറ്റര്‍ ‘ഈജാര്‍’ സംവിധാനവുമായി ബന്ധിപ്പിക്കുന്നതിലൂടെ റിയല്‍ എസ്റ്റേറ്റ് ബ്രോക്കര്‍മാര്‍ വഴി കെട്ടിട ഉടമകള്‍ക്കും വാടകക്കാരായ ഗുണഭോക്താക്കള്‍ക്കും നല്‍കുന്ന സേവനങ്ങളുടെ ഗുണനിലവാരം മെച്ചപ്പെടുമെന്നാണ് വിശദീകരണം
