നിസര്‍ഗ ചുഴലിക്കാറ്റ്: മുംബയില്‍ നിന്ന് കേരളത്തിലേക്കുള്ള ട്രെയിന്‍ റൂട്ട് മാറ്റി, സമയക്രമത്തിലും മാറ്റം

സിന്ധുമോള്‍ ആര്‍

മുംബയ്: നിസര്‍ഗ ചുഴലിക്കാറ്റിനെ തുടര്‍ന്ന് ബുധനാഴ്ച മുംബയില്‍ നിന്ന് പുറപ്പെടുന്നതും എത്തുന്നതുമായി ട്രെയിനുകള്‍ക്ക് സമയമാറ്റം. കേരളത്തിലേക്കുള്ള നേത്രാവതി അടക്കമുള്ള ട്രെയിനുകള്‍ക്കാണ് സമയം മാറ്റമുള്ളത്. റെയില്‍വെ ഇന്ന് രാവിലെയാണ് ഇതു സംബന്ധിച്ച്‌ വിവരം പുറത്തുവിട്ടത്.

രാവിലെ 11.10 ന് പുറപ്പെടേണ്ട ലോക്മാന്യതിലക്- തിരുവനന്തപുരം നേത്രാവതി എക്‌സ്പ്രസ് (06345) ട്രെയിന്‍ വൈകീട്ട് ആറ് മണിക്കാകും പുറപ്പെടുക. തിരുവനന്തപുരത്ത് നിന്ന് ലോകമാന്യ തിലകിലേക്കുള്ള ട്രെയിന്‍ (06346) റൂട്ട് മാറ്റുകയും ചെയ്തിട്ടുണ്ട്. ഈ ട്രെയിന്‍ പൂനെ വഴിയാകും പോകുക.