സിന്ധുമോള് ആര്
കൂത്തുപറമ്പ്: നഗരസഭാ ആരോഗ്യ വിഭാഗം നടത്തിയ പരിശോധനയില് കാത്സ്യം കാര്ബൈഡ് കലര്ത്തിയ 60 കിലോയോളം മാങ്ങ പിടികൂടി. പൊലീസിന്റെ സഹായത്തോടെ നടത്തിയ റെയ്ഡില് വെങ്കനാപ്പള്ളി ഇനത്തില്പ്പെട്ട മാങ്ങയാണ് പിടികൂടിയിട്ടുള്ളത്.
മാങ്ങയില് വ്യാപകമായി കാത്സ്യം കാര്ബൈഡ് കലര്ത്തുന്നുണ്ടെന്ന രഹസ്യവിവരത്തെ തുടര്ന്നായിരുന്നു പരിശോധന. നഗരസഭാ ഹെല്ത്ത് ഇന്സ്പെക്ടര് വി.പി. ബാബു, ജൂനിയര് ഹെല്ത്ത് ഇന്സ്പെക്ടര് കെ.പി. പ്രദീപന് എന്നിവരുടെ നേതൃത്വത്തിലാണ് റെയ്ഡ് നടന്നത്. കൂത്തുപറമ്പ് എസ്.ഐ പി. ബിജുവും നഗരസഭാ ഹെല്ത്ത് വിഭാഗത്തിന് സഹായവുമായി രംഗത്ത് ഉണ്ടായിരുന്നു.