കോവിഡ് ബാധിച്ച് ഗൾഫിൽ 6 മലയാളികളും മുംബൈയിൽ 2 മലയാളികളും കൂടി മരിച്ചു. ആലപ്പുഴ വള്ളികുന്നം പുത്തൻചന്ത പറപ്പാടി വടക്കതിൽ മോഹനന്റെ മകൻ മനോജ് (40) സൗദിയിലെ റിയാദിൽ മരിച്ചു. ഭാര്യ: വിദ്യ. മാതാവ്: രാജമ്മ.
തൃശൂർ കേച്ചേരി വലിയകത്ത് വീട്ടിൽ അബ്ദുൽ ജബ്ബാർ (ആർട്ടിസ്റ്റ് ജബ്ബാർ–68) ഖത്തറിൽ മരിച്ചു. ഭാര്യ: സാജിദ. മക്കൾ: റീജ, ഷീജ, അജ്നാസ്, അജ്മൽ, ഹനാൻ .
കൊയിലാണ്ടി സഫാ മൻസിൽ ഇല്ലത്ത് ഹാഷിമിന്റെ ഭാര്യ രഹ്ന ഹാഷിം (53) ദോഹയിൽ മരിച്ചു. മക്കൾ: റിൻഷ, റൻഷി.
ചവറ മേനാമ്പള്ളി മോട്ടച്ചൽ തെക്കതിൽ (സുതിലയം) സുദർശനൻ (57) സൗദി അറേബ്യയിലെ ദമാമിൽ മരിച്ചു. ഭാര്യ: ഗീത. മക്കൾ: സുധീഷ്, സുധീപ്. മരുമക്കൾ: ആതിര, അബിത.
കൊല്ലം വളയിടം നിലമേൽ സ്വദേശി ജാസ്മിൻ മൻസിൽ റഷീദ് തമ്പി (55)റിയാദിൽ മരിച്ചു. ഭാര്യ: ലൈല ബീവി. മക്കൾ: ജാസ്മിൻ, ജസ്ന.
കുളത്തൂപ്പുഴ ആശാരികോണം ചരുവിള പുത്തൻ വീട്ടിൽ സന്തോഷ് (43) സൗദി അറേബ്യയിൽ മരിച്ചു. ഭാര്യ: രജനി. മക്കൾ: ശിവാനി, ഹരി.
അന്ധേരി മരോൾ ലോക്ഭാരതി കോപ്ലക്സിനു സമീപം മാധവ് ചാൾ നിവാസി ആന്റണി ലൂയിസ് (58), ചെമ്പൂർ സാഗർ സായ്കൃപ ബിൽഡിങ്ങിൽ താമസിച്ചിരുന്ന പാലക്കാട് വെസ്റ്റ് പെരുവെമ്പ് സ്വദേശി പി.വി. ശങ്കർ (60) എന്നിവരാണു മുംബൈയിൽ മരിച്ചത്.