ഷൈലേഷ്കുമാർ കൻമനം
മുവാറ്റുപുഴ : നഗരസഭയിൽ നടപ്പാക്കിയ വിശപ്പുരഹിത കേരളം പദ്ധതിയിൽ ഇനി 20 രൂപയ്ക്ക് ഊണുകഴിക്കാം. നഗരസഭ കാര്യാലയത്തിൽ പ്രവൃത്തിക്കുന്ന ഭക്ഷണശാലയുടെ നടത്തിപ്പുകാർ കുടുംബശ്രീയാണ്. പദ്ധതിയുടെ നടത്തിപ്പിനായി ഓരോ ഊണിനും 10 രൂപ കുടുംബശ്രീ യൂണിറ്റിന് നൽകും.
ഉച്ചയൂണിന് 60-ഉം, 70 രൂപ ഈടാക്കുന്ന ഹോട്ടലുകളുടെ കൊള്ളയടിയിൽ നിന്നും, നഗരത്തിലെത്തുന്നവർക്ക് ഇതോടെ കുറഞ്ഞ ചിലവിൽ ഭക്ഷണം ലഭിക്കുന്നത് വലിയ ആശ്വാസമാകും. നഗരസഭ ചെയർപേഴ്സൻ ഉഷ ശശിധരൻ പദ്ധതി ഉദ്ഘാടനം ചെയ്തു. ആദ്യ ഭക്ഷണടോക്കൺ വിതരണം എൽദോ എബ്രഹാം എം. എൽ. എ. നിർവ്വഹിച്ചു.