സിന്ധുമോള് ആര്
കൊച്ചി: സര്ക്കാര് വാടകെക്കെടുത്ത ഹെലികോപ്റ്റര് വീണ്ടും എയര് ആംബുലന്സ് ആയി ഉപയോഗിക്കുന്നു. കൊച്ചിയില് ചികിത്സയിലുള്ള രോഗിക്കായി തിരുവനന്തപുരത്തുനിന്നും ഹൃദയം കൊണ്ടുപോവാനാണ് ഹെലികോപ്റ്റര് ഉപയോഗിക്കുന്നത് . വാഹനാപകടത്തില് പരിക്കേറ്റു ചികിത്സയിലായിരുന്ന കൊട്ടാരക്കര എഴുകോണ് സ്വദേശി അനുജത്തിന്റെ ഹൃദയമാണ് ദാനം ചെയ്യുന്നത് അനുജിത്തിന്റെ മരണം ഇന്ന് രാവിലെയാണ് സ്ഥിരീകരിച്ചത്. പൊലീസ് ഹെലികോപ്റ്ററിന്റെ രണ്ടാമത്തെ അവയവ ദാനദൗത്യമാണിത്. എറണാകുളം ലിസി ഹോസ്പിറ്റലില് ചികിത്സയിലുള്ള തൃപ്പൂണിത്തുറ സ്വദേശിക്ക് വേണ്ടിയാണ് ഹൃദയമെത്തിക്കുന്നത്.