ശ്രീജ.എസ്
ശ്രീനഗര്: ജമ്മു കാഷ്മീരില് സോവിയറ്റ് കാലത്തെ തോക്ക് പിടിച്ചെടുത്തു. ഡ്രാഗണോവ് സ്നൈപ്പര് റൈഫിളാണു സുരക്ഷാ സേനയുടെ തെരരച്ചിലില് കണ്ടെടുത്തത്.
ഗുല്മാര്ഗില്നിന്നാണ് ഇവ പിടിച്ചെടുത്തതെന്നു പ്രതിരോധ വക്താവ് അറിയിച്ചു. മാള്പത്രി വനമേഖലയില് ആയുധശേഖരമുണ്ടെന്ന രഹസ്യ വിവരത്തെ തുടര്ന്ന് നടത്തിയ തെരച്ചിലില് ആയുധ ശേഖരവും ഇതിനൊപ്പം ഡ്രാഗണോവ് സ്നൈപ്പര് തോക്ക് കണ്ടെത്തിയതെന്നും കേണല് രാജേഷ് കാലിയ അറിയിച്ചു.
ഡ്രാഗണോവ് സ്നൈപ്പറിനും തിരകള്ക്കും പുറമേ 194 എകെ- 47 റൗണ്ടുകള്, 10 റൈഫിള് ഗ്രനേഡുകള്, രണ്ട് ഐഇഡി സര്ക്യൂട്ടുകള് എന്നിവയും പിടിച്ചെടുത്തവയില് ഉള്പ്പെടുന്നു.