![“Manju”](https://santhigirinews.org/wp-content/uploads/2020/04/YOUTUBE.jpg")
സിന്ധുമോള്‍ ആര്‍
കുവൈത്ത് സിറ്റി: അധ്യാപകരുടെ ശമ്പളം തടഞ്ഞ ആറു സ്കൂളുകള്‍ക്കെതിരെ വിദ്യാഭ്യാസ മന്ത്രാലയം നടപടിയെടുത്തു. ആറു സ്വകാര്യ സ്കൂളുകളുടെ ലൈസന്‍സ് ആറുമാസത്തേക്ക് മരവിപ്പിക്കാനാണ് തീരുമാനിച്ചത്. തുടര്‍ന്ന് സ്കൂള്‍ അധികൃതര്‍ ജീവനക്കാരുടെ അവകാശങ്ങള്‍ നല്‍കാന്‍ മുന്നോട്ടുവരുകയും മേലില്‍ ആവര്‍ത്തിക്കില്ലെന്ന് മന്ത്രാലയത്തിന് ഉറപ്പുനല്‍കുകയും ചെയ്തു. ജീവനക്കാരുടെ ആനുകൂല്യം തടയുന്ന സ്വകാര്യ സ്കൂളുകള്‍ ഉള്‍പ്പെടെ സ്ഥാപനങ്ങളുടെ ഫയല്‍ മരവിപ്പിക്കുമെന്ന് മാന്‍പവര്‍ അതോറിറ്റിയും മുന്നറിയിപ്പ് നല്‍കി.
കോവിഡ് പ്രതിസന്ധിയില്‍ ക്ലാസുകള്‍ ഒാണ്‍ലൈനിലേക്ക് മാറ്റിയതിന്റെ മറവിലാണ് ചില സ്കൂളുകള്‍ ജീവനക്കാരുടെ ശമ്പളം തടയുന്നത്. പല ഡിവിഷനുകളിലേക്ക് റെക്കോഡ് ചെയ്ത പൊതു ക്ലാസുകള്‍ അയച്ചുകൊടുക്കുന്നതിലൂടെയാണ് സ്കൂളുകള്‍ ലാഭം കൊയ്യുന്നത്. ചില സ്കൂളുകള്‍ ഏതാനും ജീവനക്കാരെകൊണ്ട് നിര്‍ബന്ധിത അവധി എടുപ്പിക്കുന്നതായും പരാതിയുണ്ട്.
