ബോളിവുഡ് നടന്‍ സഞ്ജയ് ദത്ത് ആശുപത്രിയില്‍

ബോളിവുഡ് നടന്‍ സഞ്ജയ് ദത്ത് ആശുപത്രിയില്‍. ശ്വാസതടസത്തെ തുടര്‍ന്നാണ് സഞ്ജയ് ദത്തിനെ ആശുപത്രിയിലെത്തിച്ചത്. ഉടനെ തന്നെ താരത്തെ കൊവിഡ് പരിശോധനയ്ക്ക് വിധേയനാക്കി. ആന്റിജന്‍ ടെസ്റ്റ് നെഗറ്റീവാണ്. സ്രവ പരിശോധനാ ഫലം കൂടി ലഭിക്കാനുണ്ട്.

സഞ്ജയ് ദത്തിനെ നോണ്‍-കൊവിഡ് ഐസിയു വാര്‍ഡിലാണ് പ്രവേശിപ്പിച്ചിരിക്കുന്നത്. താരത്തിന്റെ ആരോഗ്യ നില ഇപ്പോള്‍ തൃപ്തികരമാണെന്നും ലീലാവതി ആശുപത്രി അധികൃതര്‍ വ്യക്തമാക്കി.