ദേശീയ ഗ്രാമീണ തൊഴിലുറപ്പ് പദ്ധതിയുടെ സോഷ്യല് ഓഡിറ്റിങ്ങില് കേരളം 100 ശതമാനവും പൂര്ത്തിയാക്കി. കേന്ദ്ര ഗ്രാമവികസന മന്ത്രാലയം പ്രസിദ്ധീകരിച്ച സോഷ്യല് ഓഡിറ്റിങ്ങ് അവലോകന റിപ്പോര്ട്ടിലാണ് ഇക്കാര്യം വ്യക്തമാക്കുന്നത്.
2023-24 സാമ്പത്തിക വര്ഷത്തില്, ആദ്യ ആറുമാസത്തെ ഓഡിറ്റിങ് കേരളത്തിലെ 941 ഗ്രാമപഞ്ചായത്തുകളിലും പൂര്ത്തിയാക്കി. നാല് സംസ്ഥാനങ്ങള് മാത്രമാണ് 60 ശതമാനത്തിലധികം ഓഡിറ്റിങ് പുരോഗതി കൈവരിച്ചത്. തുടര്ച്ചയായ രണ്ടാം വര്ഷമാണ് സംസ്ഥാനം 100 ശതമാനം നേട്ടം കൈവരിക്കുന്നത്.