ശ്രീജ.എസ്
ന്യൂഡല്ഹി: പാര്ലമെന്റിന്റെ വര്ഷകാല സമ്മേളനം നാളെ ആരംഭിക്കും. കൊറോണ ഭീഷണിക്കിടെ 18 ദിവസത്തെ സമ്മേളനമാണ് നിശ്ചയിച്ചിരിക്കുന്നത്. ലോക്സഭയും രാജ്യസഭയും നാല് മണിക്കൂര് വീതമാകും ഓരോ ദിവസവും സമ്മേളിക്കുക. സമ്മേളനത്തിന് മുന്നോടിയായ സ്പീക്കര് വിളിച്ച കക്ഷിനേതാക്കളുടെ യോഗം ഇന്ന് രാവിലെ ഡല്ഹിയില് ചേരും.
ചൈന അതിര്ത്തിയിലെ സാഹചര്യം, കൊവിഡ് പ്രതിരോധം, സാമ്പത്തിക രംഗത്തെ തിരിച്ചടി തുടങ്ങിയ വിഷയങ്ങള് പാര്ലമെന്റില് ഉന്നയിക്കാനാണ് പ്രതിപക്ഷ തീരുമാനം. കേരളത്തിലെ സ്വര്ണ്ണക്കടത്ത് വിഷയവും പാര്ലമെന്റില് ബഹളത്തിന് ഇടയാക്കാനാണ് സാധ്യത. നേരത്തെ പാര്ലമെന്റിലെ വര്ഷകാല സമ്മേളനത്തില് നിന്ന് ചോദ്യോത്തരവേള ഒഴിവാക്കി കേന്ദ്ര സര്ക്കാര് തീരുമാനം വന്നിരുന്നു.
കോവിഡ് വ്യാപനത്തിന്റെ സാഹചര്യത്തില് സുരക്ഷ മുന്നിര്ത്തിയാണ് തീരുമാനമെന്നാണ് സര്ക്കാരിന്റെ വാദം. എന്നാല് കേന്ദ്രത്തിന്റെ തീരുമാനത്തിനെതിരെ പ്രതിപക്ഷം ശക്തമായ പ്രതിഷേധം അറിയിച്ചു.