ജിയോയിൽ വീണ്ടും വിദേശ നിക്ഷേപമെത്തുന്നു

ശ്രീജ.എസ് .

മുകേഷ് അംബാനിയുടെ ഉടമസ്ഥതയിലുള്ള ടെലികോം-ടെക്നോളജി കമ്പനിയായ റിലയൻസ് ജിയോയിൽ നിക്ഷേപിക്കാൻ കൂടുതൽ വിദേശകമ്പനികൾ രംഗത്തെന്ന് റിപ്പോർട്ട്. അമേരിക്കയിലെ പ്രൈവറ്റ് ഇക്വിറ്റി സ്ഥാപനമായ ജനറൽ അറ്റ്ലാന്റിക്കും സൗദി അറേബ്യയുടെ പബ്ലിക് ഇൻവെസ്റ്റ്‌മെന്റ് ഫണ്ടുമാണ് പുതുതായി നിക്ഷേപത്തിനൊരുങ്ങുന്നത്.

85-95 കോടി ഡോളർ (6,500-7,250 കോടി രൂപ) നിക്ഷേപിക്കുന്നതിന്റെ ചർച്ചകളാണ് ജനറൽ അറ്റലാന്റിക് നടത്തുന്നത്. പബ്ലിക് ഇൻവെസ്റ്റ്‌മെന്റ് ഫണ്ട് നിക്ഷേപിക്കാൻ ഉദ്ദേശിക്കുന്ന തുക വെളിപ്പെടുത്തിയിട്ടില്ല. ഈ മാസംതന്നെ ഇടപാട് പൂർത്തിയാവുമെന്നാണ് വിവരം.

അടുത്തിടെ ഫെയ്‌സ് ബുക്ക് ജിയോയുടെ 9.99 ശതമാനം ഓഹരികൾ സ്വന്തമാക്കിയിരുന്നു. ഇതുൾപ്പെടെ മൂന്ന്‌ നിക്ഷേപകരിൽ നിന്നായി മൂന്നാഴ്ചയ്ക്കിടെ 60,596.37 കോടി രൂപ ഇതിനോടകം സമാഹരിച്ചു