Pathanamthitta
ആര്ദ്രം പദ്ധതിയുടെ ഭാഗമായി മൂന്ന് കുടുംബാരോഗ്യകേന്ദ്രങ്ങൾ കൂടി കോന്നിക്ക്
ശ്രീജ.എസ്
കോന്നി: പ്രമാടം, മലയാലപ്പുഴ, ആങ്ങമൂഴി എന്നീ പ്രാഥമിക ആരോഗ്യ കേന്ദ്രങ്ങളെ കുടുംബാരോഗ്യ കേന്ദ്രങ്ങളാക്കി മാറ്റാന് ഉത്തരവായിരിക്കുകയാണ് . ഇത് സാധ്യമായാല് കോന്നി നിയോജക മണ്ഡലത്തിലെ എല്ലാ ആശുപത്രികളും കുടുംബാരോഗ്യ കേന്ദ്രങ്ങളായി മാറപ്പെടും. ആര്ദ്രം പദ്ധതിയുടെ മൂന്നാം ഘട്ടത്തിന്റെ ഭാഗമായിട്ടാണ് നടപടിക്ക് ഉത്തരവായിരിക്കുന്നത് .
ആര്ദ്രം പദ്ധതിയുടെ മൂന്നാം ഘട്ടത്തില് കേരളത്തിലാകെ 212 പി.എച്ച്.സികളും, ജില്ലയില് 13 പി.എച്ച്.സികളും എഫ്.എച്ച്.സികളായി മാറുകയാണ്. കൂടുതല് ഡോക്ടര്മാരുടെയും, മറ്റ് ജീവനക്കാരുടെയും സേവനം, ഫാര്മസി, ലബോറട്ടറി, എക്സ് റേ യൂണിറ്റ് ഉള്പ്പടെയുള്ള സൗകര്യങ്ങള്, ഇരിപ്പിടം, കുടിവെള്ളം എന്നിവ സജീകരിക്കുമെന്ന് കെ.യു. ജനീഷ് കുമാര് എം.എല്.എ അറിയിച്ചു .