ശ്രീജ.എസ്
തിരുവനന്തപുരം: വി.പി. ജോയി സംസ്ഥാനത്തിന്റെ അടുത്ത ചീഫ് സെക്രട്ടറിയാകും. ഡോ.ബിശ്വാസ് മേത്ത ഫെബ്രുവരിയില് വിരമിക്കുന്ന ഒഴിവിലാകും നിയമനം. അദ്ദേഹത്തിന്റെ സേവനം വിട്ടു നല്കണമെന്നാവശ്യപ്പെട്ടു കേന്ദ്രത്തിനു കത്തെഴുതാന് സംസ്ഥാന സര്ക്കാര് തീരുമാനിച്ചു.
1987 ബാച്ച് കേരള കേഡര് ഉദ്യോഗസ്ഥനാണ് വി.പി. ജോയി. ഇദ്ദേഹത്തിന് 2023 ജൂണ് 30 വരെ സര്വീസുണ്ട്. ജോയി ഇപ്പോള് കേന്ദ്ര കാബിനറ്റ് സെക്രട്ടേറിയറ്റില് സുരക്ഷ, ഏകോപനം എന്നിവയുടെ ചുമതലയുള്ള സെക്രട്ടറിയാണ്. നാഷനല് അതോറിറ്റി ഓണ് കെമിക്കല് വെപ്പണ്സ് കണ്വന്ഷന്റെ ചെയര്മാന് സ്ഥാനവും വഹിക്കുന്നു. കേന്ദ്രാനുമതി ലഭിച്ചാല് ജോയി കേരളത്തിലേക്കു മടങ്ങും. തുടര്ന്നു 2023 ജൂണ് 30 വരെ ചീഫ് സെക്രട്ടറി പദവിയില് തുടരാം.