ശ്രീജ.എസ്
വെഞ്ഞാറമൂട്: കാറും ബൈക്കും കൂട്ടിയിടിച്ച് കടയുടമ മരിച്ചു. ബൈക്ക് യാത്രികനായ വെഞ്ഞാറമൂട് ശ്രീകൃഷ്ണ സ്പെയര് പാര്ട്ട്സ് ഉടമ ചടയമംഗലം പോരേടം കൗസ്തുഭത്തില് രാമചന്ദ്രന് നായര് (57) ആണ് മരിച്ചത്. ശനിയാഴ്ച ഉച്ചകഴിഞ്ഞ് മൂന്നിന് എം.സി. റോഡില് കീഴായിക്കോണത്തായിരുന്നു അപകടം.
കാരേറ്റ് ഭാഗത്ത് നിന്നും വന്ന രാമചന്ദ്രന് നായര് സഞ്ചരിച്ചിരുന്ന ബൈക്കില് എതിര് ദിശയില് നിന്നും വന്ന കാര് ഇടിക്കുകയായിരുന്നു. അപകടം നടന്ന ഉടനെ സ്ഥലത്തെത്തിയ നാട്ടുകാര് പരിക്കേറ്റയാളെ തിരുവനന്തപുരം മെഡിക്കല് കോളജ് ആശുപുത്രിയില് പ്രവേശിപ്പിച്ചു. പിന്നീട് ബന്ധുക്കളെത്തി ഇദ്ദേഹത്തെ തിരുവനന്തപുരത്തെ ഒരു സ്വകാര്യ ആശുപത്രിയിലേക്ക് മാറ്റിയെങ്കിലും രാത്രി ഏഴോടെ മരിക്കുകയായിരുന്നു.