ലോകത്ത് 8.43 കോടി കൊവിഡ് ബാധിതര്, 18,34,356 മരണം
ന്യൂയോര്ക്ക്: ലോകത്ത് കൊവിഡ് ബാധിതരുടെ എണ്ണം എട്ട് കോടി നാല്പത്തിമൂന്ന് ലക്ഷം പിന്നിട്ടു. അഞ്ച് ലക്ഷത്തിലധികം പുതിയ കേസുകളാണ് റിപ്പോര്ട്ട് ചെയ്തത്. 18,34,356 പേര് മരിച്ചു. രോഗമുക്തി നേടിയവരുടെ എണ്ണം അഞ്ച് കോടി തൊണ്ണൂറ്റിയാറ് ലക്ഷം കടന്നു. അമേരിക്ക, ഇന്ത്യ, ബ്രസീല് എന്നീ രാജ്യങ്ങളാണ് വൈറസ് ബാധിതരുടെ എണ്ണത്തില് ആദ്യ മൂന്ന് സ്ഥാനങ്ങളിലുള്ളത്.
ഇന്ത്യയില് കൊവിഡ് ബാധിതരുടെ എണ്ണം 1,03,03,409 ആയി ഉയര്ന്നു. നിലവില് 2,49,414 പേരാണ് ചികിത്സയിലുള്ളത്. രോഗമുക്തി നേടിയവരുടെ എണ്ണം തൊണ്ണൂറ്റിയൊമ്ബത് ലക്ഷം പിന്നിട്ടു.1,49,205 പേര് മരിച്ചു.
രോഗികളുടെ എണ്ണത്തില് ലോകത്ത് ഒന്നാം സ്ഥാനത്തുള്ള അമേരിക്കയില് 2,06,14,554 പേര്ക്കാണ് കൊവിഡ് സ്ഥിരീകരിച്ചത്. മരണസംഖ്യ മൂന്നര ലക്ഷം കവിഞ്ഞു. ഒരു കോടി ഇരുപത്തിയൊന്ന് ലക്ഷം പേര് സുഖം പ്രാപിച്ചു. ബ്രസീലിലും സ്ഥിതി അതീവ ഗുരുതരമായി തുടരുകയാണ്. രാജ്യത്ത് എഴുപത്തിയേഴ് ലക്ഷത്തിലധികം പേര്ക്കാണ് കൊവിഡ് സ്ഥിരീകരിച്ചത്. 1,95,441 പേര് മരിച്ചു. രോഗമുക്തി നേടിയവരുടെ എണ്ണം അറുപത്തിയേഴ് ലക്ഷം കടന്നു.