InternationalLatest
കോവിഡ്: ബ്രിട്ടനില് മൂന്നാം ലോക്ക്ഡൗണ് പ്രഖ്യാപിച്ചു
ബ്രിട്ടനില് മൂന്നാം ലോക്ക്ഡൗണ് പ്രഖ്യാപിച്ച് പ്രധാനമന്ത്രി ബോറിസ് ജോണ്സണ്. കോവിഡ് വ്യാപനം വീണ്ടും രൂക്ഷമായ പശ്ചാത്തലത്തിലാണിത്.ഈ ഘട്ടത്തില് കൂടുതല് നിയന്ത്രണങ്ങളാണ് ഏര്പ്പെടുത്തിയിരിക്കുന്നത്. ഫെബ്രുവരി പകുതി വരെയാണ് സമ്ബൂര്ണ ലോക്ഡൗണ്. രാജ്യത്തെ എല്ലാ സ്കൂളുകളും അടച്ചിടുമെന്നും പ്രധാനമന്ത്രി വ്യക്തമാക്കി.
അത്യാവശ്യ സാധനങ്ങള് വാങ്ങുന്നതിനല്ലാതെ ജനങ്ങള് പുറത്തിറങ്ങരുതെന്നും പുതിയ കോവിഡ് വൈറസ് വളരെയേറെ സൂക്ഷിക്കേണ്ട ഒന്നാണെന്നും പ്രധാനമന്ത്രി വ്യക്തമാക്കി. രാജ്യത്തെ ആശുപത്രികളും ആരോഗ്യ പ്രവര്ത്തകരും വലിയ പ്രതിസന്ധിയെയാണ് നേരിടുന്നതെന്നും ബോറിസ് ജോണ്സണ് പറഞ്ഞു.