![“Manju”](https://santhigirinews.org/wp-content/uploads/2020/04/YOUTUBE.jpg")
കോഴിക്കോട്: പത്മശ്രീ അവാര്‍ഡ് ജേതാവും ഗോള, സമുദ്ര ശാസ്ത്രജ്ഞനുമായ അലി മണിക്ഫാന്‍ എന്ന പ്രതിഭയെ കണ്ടെത്തിയ മോദി ടീം അഭിനന്ദനമര്‍ഹിക്കുന്നതായി ബി.ജെ.പി ദേശീയ ഉപാധ്യക്ഷന്‍ എ.പി. അബ്ദുല്ലക്കുട്ടി. മണിക്ഫാന്‍ താമസിക്കുന്ന കോഴിക്കോട്ടെ വീട്ടില്‍ചെന്ന് ആദരിച്ചശേഷം ഫേസ്ബുക്കില്‍ എഴുതിയ കുറിപ്പിലാണ് അബ്ദുല്ലക്കുട്ടി മോദിക്ക് അഭിനന്ദനമറിയിച്ചത്.
ബി.ജെ.പി ജില്ലാ പ്രസിഡന്റ് വി.കെ. സജീവന്‍, ബി.ജെ.പി ലക്ഷദ്വീപ് പാര്‍ട്ടി ജനറല്‍ സിക്രട്ടറി എച്ച്‌.കെ. മുഹമ്മദ് കാസിം എന്നിവരും കൂടെ ഉണ്ടായിരുന്നു.
വിവിധ സാങ്കേതിക വിജ്ഞാന ശാഖകളില്‍ കഴിവ് തെളിയിച്ച ലക്ഷദ്വീപിലെ മിനിക്കോയ് സ്വദേശിയായ അലി മണിക്ഫാനെ കഴിഞ്ഞ ദിവസം രാജ്യം പത്മശ്രീ നല്‍കി ആദരിച്ചിരുന്നു. സമുദ്ര ഗവേഷകന്‍, ജ്യോതിശാസ്‌ത്ര പണ്ഡിതന്‍, ഭൗമ ശാസ്ത്രജ്ഞന്‍, സാമൂഹിക ശാസ്ത്രജ്ഞന്‍, കപ്പല്‍ നിര്‍മാണ വിദഗ്ധന്‍, പരിസ്ഥിതി പ്രവര്‍ത്തകന്‍, പ്രകൃതി നിരീക്ഷകന്‍, ബഹുഭാഷാപണ്ഡിതന്‍ തുടങ്ങിയ നിലകളിലും ശ്രദ്ധേയനാണ് ഈ 83കാരന്‍. ഇദ്ദേഹം കണ്ടെത്തിയ അപൂര്‍വ മത്സ്യത്തിന് ‘അബു ദഫ് ദഫ് മണിക്ഫാനി’ എന്ന പേര് നല്‍കി ലോകം ആദരിച്ചിട്ടുണ്ട്.ഇംഗ്ലീഷ്, ലാറ്റിന്‍, ഫ്രഞ്ച്, റഷ്യന്‍, ജര്‍മന്‍, പേര്‍ഷ്യന്‍, അറബിക്, ഉറുദു, ഹിന്ദി, ദ്വീപ് ഭാഷയായ മഹല്‍, മലയാളം, തമിഴ്, സംസ്കൃതം തുടങ്ങി പതിനഞ്ചോളം ഭാഷകള്‍ അറിയാം. ഇദ്ദേഹം ശാസ്ത്രീയമായി തയാറാക്കിയ ചാന്ദ്രകലണ്ടര്‍ ലോക ശ്രദ്ധ പിടിച്ചുപറ്റിയിരുന്നു.
അബ്ദുല്ലക്കുട്ടിയുടെ ഫേസ്ബുക് പോസ്റ്റിന്‍റെ പൂര്‍ണരൂപം
പത്മശ്രീ അവാര്‍ഡ് ജേതാവ്
ലക്ഷദ്വീപിന്റെ മഹാനായ പുത്രനെ കോഴിക്കോട്ടെ വീട്ടില്‍ ചെന്ന് ആദരിച്ചു.
BJP. ജില്ലാ പ്രസിഡന്റ് VK സജീവന്‍ , ദ്വീപ് പാര്‍ട്ടി ജനറല്‍ സെക്രട്ടറി
HK മുഹമ്മദ് കാസിം
എന്നിവര്‍ കൂടെ ഉണ്ടായിരുന്നു. ആഴക്കടല്‍ മുതല്‍ ആകാശത്തോളം ഗവേഷണ ത്വരയുമായി ഇന്നും ജീവിക്കുന്ന ഈ പ്രതിഭയെ കണ്ടെത്തി
യ മോദീ ടീം അഭിനന്ദന മര്‍ഹിക്കുന്നു
