ശ്രീജ.എസ്
ഭോപ്പാല്: സര്ക്കാര് ഓഫീസുകളുടെ ശുചീകരണത്തിന് ഗോമൂത്ര ഫിനോയില് മാത്രമേ ഉപയോഗിക്കാവൂയെന്ന് മധ്യപ്രദേശ് സര്ക്കാര് . മധ്യപ്രദേശിലെ പൊതുഭരണ വകുപ്പിന്റേതാണ് ഉത്തരവ്. രാസവസ്തുക്കള് ഉപയോഗിച്ച് നിര്മിക്കുന്ന ഫിനോയിലിന് പകരം സര്ക്കാര് ഓഫീസുകള് ഗോമൂത്രത്തില് നിന്ന് നിര്മിക്കുന്ന ഫിനോയില് ഉപയോഗിക്കണമെന്ന് പൊതുഭരണ വകുപ്പ് സെക്രട്ടറി നിവാസ് ശര്മ ഇറക്കിയ ഉത്തരവില് പറയുന്നു.
സംസ്ഥാനത്ത് പശുവളര്ത്തല് പ്രോത്സാഹിപ്പിക്കുന്നതിന്റെയും അവയുടെ സംരക്ഷണത്തിന്റെയും ഭാഗമായാണ് ഈ തീരുമാനം. ഗോമൂത്ര – ഫിനോയില് ഉപയോഗിക്കണമെന്ന തീരുമാനം നവംബറില് ചേര്ന്ന ‘പശു മന്ത്രിസഭ’ എടുത്തിരുന്നു. ഗോമൂത്ര ബോട്ട്ലിങ് പ്ലാന്റുകളും ഗോമൂത്ര ഫിനോയില് നിര്മാണ ഫാക്ടറികളും പ്രോത്സാഹിപ്പിക്കുന്നതിന്റെ ഭാഗമാണ് തീരുമാനമെന്ന് മൃഗസംരക്ഷണ വകുപ്പ് മന്ത്രി പ്രേംസിങ് പട്ടേല് പറഞ്ഞു.
”പാലുല്പ്പാദനം ഇല്ലാത്ത പശുക്കളെ ആരും തെരുവില് ഉപേക്ഷിക്കില്ല. ഇത് മധ്യപ്രദേശിലെ പശുക്കളുടെ അവസ്ഥക്ക് മാറ്റം കൊണ്ടുവരും”– മന്ത്രി പറഞ്ഞു. അതേസമയം, ഫിനോയില് നിര്മിക്കുന്ന സ്വകാര്യ കമ്പനികളെ പ്രോത്സാഹിപ്പിക്കുന്നതിനാണ് സര്ക്കാര് ഇത്തരമൊരു തീരുമാനമെടുത്തതെന്ന് കോണ്ഗ്രസ് നേതാക്കള് കുറ്റപ്പെടുത്തി .