കര്ഷക വിഷയത്തില് സര്ക്കാറിനെ പിന്തുണച്ച് രംഗത്ത് വന്ന സെലിബ്രിറ്റികളെ പരിഹസിച്ച് നടന് സിദ്ധാര്ഥ്. സച്ചിന്, അക്ഷയ് കുമാര് തുടങ്ങിയവരെ വിമര്ശിച്ചാണ് നടന് രംഗത്ത് എത്തിയത്. ഹീറോകളെ തിരഞ്ഞെടുക്കുമ്പോള് വിവേകത്തോടെ വേണമെന്നും അല്ലെങ്കില് ഇങ്ങിനെ മൂക്കുംകുത്തി വീഴുന്നത് കാണേണ്ടിവരുമെന്നും സിദ്ധാര്ഥ് ട്വിറ്ററില് കുറിച്ചു. വിദ്യാഭ്യാസം, അനുകമ്പ, സത്യസന്ധത ഒപ്പം അല്പ്പം നട്ടെല്ലും ഉണ്ടായിരുന്നെങ്കില് ഇവര് രക്ഷപ്പെട്ടേനെയെന്നും അദ്ദേഹം പറയുന്നു.
‘നിങ്ങളുടെ നായകരെ വിവേകത്തോടെ തിരഞ്ഞെടുക്കുക. അല്ലെങ്കില് മൂക്കുംകുത്തി വീഴുന്നത് കാണേണ്ടിവരും. വിദ്യാഭ്യാസം, അനുകമ്പ, സത്യസന്ധത ഒപ്പം അല്പ്പം നട്ടെല്ലും ഉണ്ടായിരുന്നെങ്കില് ഇവര് രക്ഷപ്പെട്ടേനെ’- സിദ്ധാര്ഥ് ട്വീറ്റ് ചെയ്തു.നേരത്തേ നടത്തിയ മറ്റൊരു ട്വീറ്റില് പെട്ടെന്ന് ഒരുകൂട്ടം ആളുകള് ഒരു വിഷയത്തില് പ്രതികരിക്കുന്നതിനേയും സിദ്ധാര്ഥ് പരിഹസിച്ചിരുന്നു.