മോസ്കോ: യൂട്യൂബറുടെ വെല്ലുവിളി ഏറ്റെടുത്ത് ലൈവായി മദ്യം കഴിക്കുന്ന ചലഞ്ച് ഏറ്റെടുത്ത 60കാരനായ റഷ്യന് പൗരന് കാഴ്ചക്കാര് നോക്കി നില്ക്കേ കുഴഞ്ഞുവീണ് മരിച്ചു.ഒന്നര ലിറ്റര് വോഡ്ക കഴിച്ച ശേഷമാണ് ഇയാള് മരിച്ച് വീണത്.
മദ്യം കഴിക്കുന്ന ചലഞ്ചില് പങ്കെടുക്കാനായി ‘ഗ്രാന്ഡ്ഫാദര്‘ എന്ന പേരില് അറിയപ്പെടുന്ന യൂറി ഡഷ്കീന് യൂട്യൂബര് പണം വാഗ്ദാനം നല്കിയിരുന്നതായി ദ ഇന്ഡിപെന്ഡെന്റ് റിപ്പോര്ട്ട് ചെയ്തു. വിഡിയോ വൈറലായി മാറിയാലാണ് പണം നല്കുകയെന്ന് ഇയാള് പറഞ്ഞിരുന്നുവത്രെ. ഇയാള്ക്ക് ശാരീരികാസ്വസ്തഥകള് അനുഭവപ്പെടുന്നതും കുഴഞ്ഞുവീഴുന്നതും ആളുകള് ലൈവായി കാണുന്നുണ്ടായിരുന്നു.