കേരള ബ്ലാസ്റ്റേഴ്സിന് ഇന്സ്റ്റയില് 2 മില്യൺ ഫോളോവേഴ്സ്
![](https://i0.wp.com/santhigirinews.org/wp-content/uploads/2021/02/kbfc-2-million-750x422-1.jpg?resize=750%2C422&ssl=1)
കൊച്ചി: ഇന്സ്റ്റഗ്രാമില് രണ്ടു മില്യണ് (ഇരുപത് ലക്ഷം) ഫോളോവേഴ്സെന്ന നേട്ടം സ്വന്തമാക്കുന്ന ഇന്ത്യയിലെ ആദ്യ ഫുട്ബോള് ക്ലബ്ബായി കേരള ബ്ലാസ്റ്റേഴ്സ് എഫ്.സി. ലോകമെമ്പാടുമുള്ള മലയാളികള്ക്ക് കായികവിനോദങ്ങളോടും അവരുടെ ക്ലബ്ബിനോടുമുള്ള സ്നേഹത്തിന്റെയും പിന്തുണയുടെയും പ്രതീകമായാണ് ക്ലബ്ബ് ഇതിനെ കാണുന്നത്. സമ്പന്നമായ ഒരു ഫുട്ബോള് പാരമ്പര്യമാണ് കേരളത്തിനുള്ളത്, ഇത്തരം നാഴികക്കല്ലുകള് കായികവിനോദത്തോടും കേരള ബ്ലാസ്റ്റേഴ്സിനോടും വര്ധിച്ചു വരുന്ന ആരാധകരുടെ സ്നേഹത്തിന്റെ ഓര്മപ്പെടുത്തലായും വര്ത്തിക്കുന്നു.
വ്യക്തമായ കാഴ്ചപ്പാടും മികച്ച രീതിയിലുള്ള അടിത്തറയ്ക്കുമൊപ്പം ഒരു പ്രബലമായ നാഴികക്കല്ലാണ് ഈ ബ്രാന്ഡ് നേടിയത്. അതോടൊപ്പം, ഇന്ത്യയിലെയും ഏഷ്യയിലെയും ഏറ്റവും കൂടുതല് പേര് പിന്തുടരുന്ന സ്പോര്ട്സ് ക്ലബ്ബായി മാറാനും ക്ലബ്ബ് ലക്ഷ്യമിടുന്നു.