ഐഎൻഎസ് കരഞ്ച് ; മൂന്നാമത്തെ അന്തർവാഹിനി നാവിക സേനയ്ക്ക് കൈമാറി

ന്യൂഡൽഹി : ഇന്ത്യൻ നാവികസേനയുടെ കരുത്തായി മാറി ഐഎൻഎസ് കരഞ്ച്. തദ്ദേശീയമായി നിർമ്മിച്ച അന്തർവാഹിനി ഇന്ത്യൻ നാവിക സേനയ്ക്ക് കൈമാറി. അടുത്ത മാസം നടക്കുന്ന ചടങ്ങിൽ ഐഎൻഎസ് കരഞ്ച് ഔദ്യോഗികമായി നാവിക സേനയുടെ ഭാഗമാക്കും.

നിർമ്മാണം പൂർത്തിയായ അന്തർവാഹിനിയുടെ പരിശീലനം 2018 മുതലാണ് ആരംഭിച്ചത്. മാർച്ച് 10നും 15നും ഇടയ്ക്കുള്ള തിയതികളിൽ കരഞ്ച് ഔദ്യോഗികമായി നാവികസേനയുടെ ഭാഗമാക്കുമെന്നാണ് റിപ്പോർട്ടുകൾ.

ഇന്ത്യൻ നാവിക സേന സ്വന്തമാക്കുന്ന മൂന്നാമത്തെ അന്തർവാഹിനിയാണ് ഐഎൻഎസ് കരഞ്ച്. ഡീസൽ – ഇലക്ട്രിക് പ്രഹരശേഷിയുള്ള അന്തർവാഹിനി അന്തർവാഹിനി പ്രൊജക്ട് 75 ന്റെ ഭാഗമായാണ് എംഡിഎൽ നിർമ്മിച്ചത്.