ഇലക്ഷന്‍ കമ്മിഷന്റെ വാര്‍ത്തസമ്മേളനം ഇന്ന് വൈകിട്ട് നാലരയ്ക്ക്

ന്യൂദല്‍ഹി: കേരളം ഉള്‍പ്പെടെ അഞ്ചു സംസ്ഥാനങ്ങളിലെ സംസ്ഥാനങ്ങളിലെ നിയമസഭാ തെരഞ്ഞെടുപ്പിനുള്ള തീയതി ഇന്ന് പ്രഖ്യാപിക്കും. വൈകിട്ട് നാലരയ്ക്കാണ് വാര്‍ത്താസമ്മേളനം. വൈകിട്ട് തന്നെ മാതൃകപെരുമാറ്റച്ചട്ടം നിലവില്‍വരും. കേരളം, അസം, തമിഴ്‌നാട്, ബംഗാള്‍, പോണ്ടിച്ചേരി സംസ്ഥാനങ്ങളിലാണ് തെരഞ്ഞെടുപ്പ്. ഏപ്രില്‍ ആദ്യവാരം മുതല്‍ അഞ്ച് സംസ്ഥാനങ്ങളിലും ഒന്നാം ഘട്ട തെരഞ്ഞെടുപ്പ് നടത്താനാണ് തെരഞ്ഞെടുപ്പ് കമ്മീഷന്‍ ആലോചിക്കുന്നത്. ഇതിനു മുന്നോടിയായി ഡല്‍ഹിയില്‍ കമ്മീഷന്റെ സമ്പൂര്‍ണയോഗം ചേര്‍ന്നിരുന്നു.