KeralaLatestThiruvananthapuram
കോണ്ഗ്രസ് സ്ഥാനാര്ഥി പ്രഖ്യാപനം വ്യാഴാഴ്ച
ന്യൂഡല്ഹി: നിയമസഭാ തെരഞ്ഞെടുപ്പിനായുള്ള കോണ്ഗ്രസ് സ്ഥാനാര്ഥി നിര്ണയത്തിനായുള്ള എംപിമാരുമായുള്ള ചര്ച ഡെല്ഹിയില് തുടങ്ങി. അതേസമയം കെ മുരളീധരനും കെ സുധാകരനും ചര്ചയില് നിന്നും വിട്ടുനിന്നു. പുതിയ ആളുകളും അനുഭവ സമ്പന്നരും സ്ഥാനാര്ഥി പട്ടികയില് ഉണ്ടാവുമെന്ന് എഐസിസി ജനറല് സെക്രടെറി കെ സി വേണുഗോപാല് മാധ്യമങ്ങളോട് പറഞ്ഞു.
ആരെയും വെട്ടിമാറ്റുന്ന നിലപാട് ഉള്ള പാര്ട്ടിയല്ല കോണ്ഗ്രസെന്നും കെ സുധാകരനും കെ മുരളീധരനും ഉള്പെടെ എല്ലാവരുടെയും താല്പര്യങ്ങള് സംരക്ഷിക്കുമെന്നും വേണുഗോപാല് പറഞ്ഞു. സ്ഥാനാര്ഥി പ്രഖ്യാപനം വ്യാഴാഴ്ചയെന്നു കേരളത്തിന്റെ ചുമതലയുള്ള എഐസിസി ജനറല് സെക്രടെറി താരിഖ് അന്വര് വ്യക്തമാക്കി.