ഭീകരസംഘടനകൾക്ക് പണം കൈമാറിയത് ബിറ്റ് കോയിൻ രൂപത്തിൽ

ന്യൂഡൽഹി : കശ്മീർ ആസ്ഥാനമായ തീവ്രവാദ സംഘടനയ്ക്ക് ക്രിപ്‌റ്റോകറൻസി രൂപത്തിൽ ഫണ്ട് ലഭിച്ചിരുന്നതായി റിപ്പോർട്ട്. ബംഗ്ലാദേശിലെ അൻസർ അൽ ഇസ്ലാം എന്ന നിരോധിത ഭീകര സംഘടനയാണ് ഇവർക്ക് വൻ തോതിൽ ഫണ്ട് കൈമാറിയിരുന്നത്. സർക്കാരുമായി ബന്ധപ്പെട്ട ഉന്നതതല വൃത്തങ്ങളാണ് ഇക്കാര്യം അറിയിച്ചത്.

ബംഗ്ലാദേശ് സർക്കാർ വെർച്വൽ കറൻസി രാജ്യത്ത് നിരോധിച്ചിരുന്നു. ബിറ്റ് കോയിനുകളുടെ രൂപത്തലുള്ള അനധികൃത ഇടപാട് കണ്ടെത്താൻ ബുദ്ധിമുട്ടായതിനാലാണ് ഇത് തീവ്രവാദ സംഘടനകൾ വ്യാപകമായി ഉപയോഗിക്കുന്നതെന്നാണ് ഭീകരർ പറഞ്ഞത്. ഇത്തരത്തിൽ നിരവധി തീവ്രവാദ സംഘടനകൾക്കാണ് അന്യരാജ്യങ്ങളിൽ നിന്നുമുള്ള സംഘടനകൾ ധനസഹായം ചെയ്യുന്നത്.