മുംബൈ: കോവിഡ് രോഗികളുടെ എണ്ണം കുതിച്ചുയരുന്നതിനിടെ മഹാരാഷ്ട്ര വീണ്ടും ലോക്ഡൗണിലേക്ക് നീങ്ങുന്നതായി സൂചന. മഹാരാഷ്ട്രയില് കഴിഞ്ഞ ദിവസം മാത്രം 13,000ത്തില് കൂടുതല് പേര്ക്കാണ് കോവിഡ് പോസിറ്റിവ് സ്ഥിരീകരിച്ചത്.
ഇന്ത്യയില് കോവിഡ് രോഗികളുടെ പ്രതിദിന വര്ധനവില് ഒന്നാം സ്ഥാനത്താണ് മഹാരാഷ്ട്ര. ഇതോടെയാണ് രോഗബാധ പിടിച്ചുനിര്ത്താന് ലോക്ഡൗണ് ഉള്പ്പടെയുള്ള നടപടികളിലേക്ക് സംസ്ഥാന സര്ക്കാര് നീങ്ങുന്നുവെന്ന റിപ്പോര്ട്ടുകള് പുറത്ത് വന്നത്.ശിവസേന മുഖപത്രമായ സാമ്നയും ഇതുസംബന്ധിച്ച സൂചന നല്കി.
മഹാരാഷ്ട്രയില് കോവിഡ് രോഗികളുടെ എണ്ണം ഉയരുകയാണെന്നും ജനങ്ങള് സ്വയം നിയന്ത്രണങ്ങള് പാലിക്കണമെന്നും സാമ്ന വെളിപ്പെടുത്തുന്നു . ലോക്ഡൗണും ചില നിയന്ത്രണങ്ങളും ഏര്പ്പെടുത്തേണ്ടി വരുമെന്ന് സാമ്ന എഡിറ്റോറിയലില് പറയുന്നു. അതെ സമയം നേരത്തെ ജനങ്ങള് ജനങ്ങള് സര്ക്കാറിനോട് സഹകരിച്ചില്ലെങ്കില് കടുത്ത നിയന്ത്രണങ്ങള് ഏര്പ്പെടുത്തേണ്ടി വരുമെന്ന മുന്നറിയിപ്പ് മുഖ്യമന്ത്രി ഉദ്ധവ് താക്കറെയും നല്കിയിരുന്നു.