ശ്രീജ.എസ്
രാജസ്ഥാന്: ബിക്കാനിറില് കളിക്കുന്നതിനിടെയില് ധാന്യങ്ങള് സൂക്ഷിക്കുന്ന പത്തായത്തിലിറങ്ങിയ 5 കുട്ടികള് ശ്വാസം മുട്ടി മരിച്ചു. മരിച്ചവരെല്ലാം 8 വയസ്സില് താഴെയുള്ള കുട്ടികളാണ്. ഹിമ്മത് സാഗര് ഗ്രാമത്തിലാണു ദാരുണ സംഭവം നടന്നത്.ഒഴിഞ്ഞു കിടന്ന പത്തായത്തില് കുട്ടികള് ഓരോരുത്തരായി ഇറങ്ങിയതിനെ തുടര്ന്ന് വാതില് അടയുകയായിരുന്നു.കുട്ടികളെ കാണാതായതിനെത്തുടര്ന്നു തിരച്ചില് നടത്തി പത്തായം തുറന്നപ്പോഴേക്കും എല്ലാവരും അവശനിലയിലായിരുന്നു. ഉടന് തന്നെ ആശുപത്രിയിലെത്തിച്ചെങ്കിലും ജീവന് രക്ഷിക്കാനായില്ല.