ഗോ ബാക്ക് മോദി’ മുദ്രാവാക്യം ; 60 പേര് അറസ്റ്റില്
ചെന്നൈ: തമിഴ്നാട്ടില് പ്രധാനമന്ത്രി നരേന്ദ്രമോദിയുടെ സന്ദര്ശനത്തോടനുബന്ധിച്ച് വ്യാപക പ്രതിഷേധം. ഇതിന് പുറമെ കര്ഷകരും മറ്റു സംഘടനകളും രംഗത്തെത്തി. ’ഗോ ബാക്ക് മോദി’ മുദ്രാവാക്യം വിളിച്ച് പ്രതിഷേധിച്ച 60 പേരെ കോയമ്പത്തൂര് പൊലീസ് അറസ്റ്റ് ചെയ്തു. പ്ലക്കാര്ഡുകളും കറുത്ത കൊടികളും ഉയര്ത്തിയായിരുന്നു സംസ്ഥാനത്ത് പ്രതിഷേധം.
പ്രചാരണത്തിനെത്തിയ പ്രധാനമന്ത്രിക്കെതിരെ പ്രതിഷേധിച്ച 10 സ്ത്രീകള് അടക്കം 60പേരെയാണ് കോയമ്പത്തൂര് പൊലീസ് കസ്റ്റഡിയിലെടുത്തത്. ശ്രീലങ്കയുടെ ആഭ്യന്തര യുദ്ധത്തില് യുദ്ധക്കുറ്റങ്ങളില് ശ്രീലങ്കക്കെതിരെ യു.എന് കൗണ്സല് പ്രമേയം പാസാക്കിയപ്പോള് അയല്രാജ്യമായ ഇന്ത്യ വിട്ടുനിന്നതിനെതിരെയായിരുന്നു പ്രതിഷേധം. നരേന്ദ്ര മോദിയുടെയും ശ്രീലങ്കന് നേതാവ് മഹിന്ദ രാജപക്സയുടെയും ചിത്രങ്ങള് പതിച്ച് ‘മോദി എഗെയ്ന്സ്റ്റ് തമിഴ്’ എന്നെഴുതിയ പ്ലക്കാര്ഡുകള് ഉയര്ത്തിയായിരുന്നു പ്രക്ഷോഭം .