![“Manju”](https://santhigirinews.org/wp-content/uploads/2020/04/YOUTUBE.jpg")
മസ്കത്ത്: ഒമാനിലെ പ്രതിദിന കോവിഡ് രോഗികളുടെ എണ്ണം മാസങ്ങളുടെ ഇടവേളക്കുശേഷം നൂറ് കടന്നു. 1173 പേരാണ് പുതുതായി രോഗബാധിതരായത്. ഇതോടെ മൊത്തം രോഗികളുടെ എണ്ണം 1,58,056 ആയി. 454 പേര്‍ക്കുകൂടി രോഗം ഭേദമായി. 1,58,056 പേരാണ് ഇതുവരെ രോഗമുക്തരായത്. ഏഴു പേര്‍കൂടി മരിച്ചതോടെ ആകെ മരണപ്പെട്ടവര്‍ 1669 ആയി. 88 പേരെ കൂടി ആശുപത്രിയില്‍ പ്രവേശിപ്പിച്ചു. 507 പേരാണ് ആശുപത്രികളില്‍ ചികിത്സയിലുള്ളത്. ഇതില്‍ 154 പേര്‍ തീവ്രപരിചരണ വിഭാഗത്തിലാണുള്ളത്. പുതിയ രോഗികളില്‍ 610 പേരും മസ്കത്ത് ഗവര്‍ണറേറ്റിലാണുള്ളത്. മസ്കത്ത്-194, ബോഷര്‍-181, സീബ്-150, മത്ര-53, അമിറാത്ത്-27, ഖുറിയാത്ത്-അഞ്ച് എന്നിങ്ങനെയാണ് തലസ്ഥാന ഗവര്‍ണറേറ്റുകളിലെ വിലായത്തുകളിലെ രോഗികളുടെ എണ്ണം. രണ്ടാമതുള്ള ദോഫാര്‍ ഗവര്‍ണറേറ്റിലെ 122 പുതിയ രോഗികളില്‍ 116 പേരും സലാലയിലാണുള്ളത്.
