![“Manju”](https://santhigirinews.org/wp-content/uploads/2020/04/YOUTUBE.jpg")
ദിസ്പുര്‍: അസമില്‍ ബി.ജെ .പി എം.എല്‍.എയുടെ കാറില്‍ കഴിഞ്ഞദിവസം വോട്ടിങ് യന്ത്രം കണ്ടെത്തിയ സംഭവത്തില്‍ നാല് പോളിങ് ഉദ്യോഗസ്ഥര്‍ക്ക് സസ്പെന്‍ഷന്‍. വോട്ടെടുപ്പ് നടന്ന ബൂത്തില്‍ റീപോളിങ് നടത്താനാണ് തെരഞ്ഞെടുപ്പ് കമീഷന്റെ തീരുമാനം. രാധബാരി മണ്ഡലത്തിലെ 149 ാം നമ്പര്‍ ബൂത്തിലാണ് റീപോളിങ് നടത്തുക.
രണ്ടാംഘട്ട വോട്ടെടുപ്പ് നടന്ന വ്യാഴാഴ്ച രാത്രിയാണ് പാതാര്‍കണ്ടി എം.എല്‍.എ കൃഷ്ണേന്ദു പാലിന്റെ വാഹനത്തില്‍നിന്ന് വോട്ടിങ് മെഷീന്‍ കണ്ടെടുത്തത്. ഇതേ തുടര്‍ന്ന് ജനങ്ങള്‍ വാഹനം തടയുകയും ഇ.വി.എം മെഷീന്‍ കണ്ടെടുക്കുകയുമായിരുന്നു. സംഭവത്തിന്റെ വിഡിയോ ദൃശ്യങ്ങള്‍ വന്‍തോതില്‍ പ്രചരിച്ചിരുന്നു. തുടര്‍ന്ന് സ്ഥലത്ത് വന്‍ സംഘര്‍ഷമുണ്ടായി. ക്രമക്കേടില്‍ തെരഞ്ഞെടുപ്പ് കമ്മീഷന്‍ നടപടിയെടുക്കണമെന്ന് കോണ്‍ഗ്രസ് ശക്തമായി വാദിച്ചിരുന്നു .
