കമല ഹാരിസ് കോവിഡ് വാക്സിന് സ്വീകരിച്ചു
ശ്രീജ.എസ്
വാഷിംഗ്ടണ്: യുഎസ് വൈസ് പ്രസിഡന്റ് കമല ഹാരിസ് കോവിഡ് വാക്സിന് സ്വീകരിച്ചു. ചൊവ്വാഴ്ച ടെലിവിഷനില് തത്സമയമാണു കമല വാക്സിന് സ്വീകരിച്ചത്.
വാഷിംഗ്ടണ് ഡിസിയിലെ യുണൈറ്റഡ് മെഡിക്കല് സെന്ററിലാണ് കമല രണ്ടു ഡോസ് കോവിഡ് വാക്സിന് സ്വീകരിച്ചത്. വലിയ തോതില് ആഫ്രോ-അമേരിക്കന് ജനസംഖ്യയുള്ള പ്രദേശമാണിത്. കോവിഡിനെ തുടര്ന്ന് രാജ്യത്ത് മരിച്ചവരില് കൂടുതലും ആഫ്രോ-അമേരിക്കന് വിഭാഗക്കാരുമാണെന്ന് പഠനങ്ങള് പറയുന്നു.
അതുകൊണ്ടുതന്നെ കമല ഹാരിസ് ബോധപൂര്വമാണ് വാഷിംഗ്ടണ് ഡിസിയിലെ ആശുപത്രി കോവിഡ് വാക്സിന് സ്വീകരിക്കാന് തെരഞ്ഞെടുത്തതെന്നാണു വിലയിരുത്തല്. യുഎസ് കമ്പനിയായ മോഡേണ വികസിപ്പിച്ച വാക്സിനാണ് കമല സ്വീകരിച്ചത്.