![“Manju”](https://santhigirinews.org/wp-content/uploads/2020/04/YOUTUBE.jpg")
കൊല്‍ക്കത്ത: കൊവിഡ് വ്യാപനം രൂക്ഷമായിക്കൊണ്ടിരിക്കുന്ന സാഹചര്യത്തില്‍ പശ്ചിമ ബംഗാളിലെ തിരഞ്ഞെടുപ്പ് റാലികള്‍ കോണ്‍ഗ്രസ് നേതാവ് രാഹുല്‍ ഗാന്ധി റദ്ദാക്കി. ട്വിറ്ററിലൂടെയാണ് അദ്ദേഹം ഇക്കാര്യം അറിയിച്ചത്. കൊവിഡ് വ്യാപനത്തിന്റെ സാഹചര്യത്തില്‍ ബംഗാളിലെ എന്റെ എല്ലാ തിരഞ്ഞെടുപ്പ് പൊതുറാലികളും താല്‍ക്കാലികമായി റദ്ദാക്കുകയാണ്. ഈ സാഹചര്യത്തില്‍ വലിയ റാലികള്‍ നടത്തുന്നതുമൂലമുണ്ടാവുന്ന അനന്തരഫലത്തെക്കുറിച്ച്‌ ആഴത്തില്‍ ചിന്തിക്കണമെന്ന് എല്ലാ രാഷ്ട്രീയപ്പാര്‍ട്ടി നേതാക്കളോടും ഞാന്‍ ആവശ്യപ്പെടുകയാണ്- രാഹുല്‍ ഗാന്ധി കുറിച്ചു. കൊവിഡ് പടര്‍ന്നുപിടിക്കുന്നതില്‍ കേന്ദ്രസര്‍ക്കാരിനെതിരേ രൂക്ഷവിമര്‍ശനവുമായി രാഹുല്‍ ഗാന്ധി രംഗത്തെത്തിയിരുന്നു.
