മുംബൈ ;ഐ.പി.എല് മത്സരത്തില് ഇന്ത്യന് സീനിയര് താരങ്ങളില് പലര്ക്കും, ബയോബബിള് സുരക്ഷ പാലിക്കാന് മടിയായിരുന്നെന്ന വെളിപ്പെടുത്തലുമായി, മുംബൈ ഇന്ത്യന്സിന്റെ ഫീല്ഡിംഗ് കോച്ച് ജയിംസ് പംമ്മ്. നിര്ദ്ദേശങ്ങള് പാലിക്കാന് പറയുമ്ബോഴെല്ലാം, താരങ്ങള് അസ്വസ്ഥരായിരുന്നുവെന്നും, അദ്ദേഹം വെളിപ്പെടുത്തി. എന്നാല് ഏതൊക്കെ താരങ്ങളാണെന്ന് വെളിപ്പെടുത്തിയില്ല. അതേ സമയം ബയോബബിളിന് ഒരു പോരായ്മയും ഉണ്ടായിരുന്നില്ലെന്നും, അതിനുള്ളില് എല്ലാവരും സുരക്ഷിതരായിരുന്നെന്നും, യാത്ര ചെയ്യുന്നതായിരുന്നു വെല്ലുവിളിയെന്നും അദ്ദേഹം പറഞ്ഞു.
ഇന്ത്യന് താരങ്ങള് കുടുംബാംഗങ്ങള്, കോവിഡ് ബാധിതരായെന്ന വാര്ത്തകള് കേട്ട് സമ്മര്ദ്ദത്തിലായെന്നും, ടിവി വാര്ത്തകള് അവരെ അലട്ടിയെന്നും എന്നാലും യുദ്ധസമാന സാഹചര്യം പോലെയൊന്നും തോന്നിയില്ലെന്നും കോച്ച് പറഞ്ഞു. ഒരു ഓണ്ലൈന് മാധ്യമത്തിന് നല്കിയ ഇന്റര്വ്യൂവിലാണ് ന്യൂസിലന്ഡുകാരനായ കോച്ചിന്റെ വെളിപ്പെടുത്തല്.