കോവിഡ് : സാങ്കേതിക സർവ്വകലാശാല ക്ലാസുകൾ നിർത്തി

തിരുവനന്തപുരം: ഉയരുന്ന കൊറോണ വ്യാപനം പരിഗണിച്ച് എല്ലാ അക്കാദമിക പ്രവർത്തനങ്ങളും ഒരാഴ്ചത്തേക്ക് നിർത്തിവയ്ക്കാൻ സാങ്കേതിക സർവ്വകലാശാല തീരുമാനിച്ചു. സിൻഡിക്കേറ്റിൻ്റെ അക്കാദമിക്, റിസർച്ച്, പരീക്ഷാ ഉപസമിതികളുടെ ശുപാർശയുടെ അടിസ്ഥാനത്തിലാണ് ക്ലാസുകൾ നിർത്തിവയ്ക്കുന്നത്.

മേയ് 19 വരെയാണ് ഓൺലൈൻ ക്ലാസ്സുകൾ ഉൾപ്പടെയുള്ള എല്ലാ അക്കാദമിക് പ്രവർത്തനങ്ങളും താത്കാലികമായി നിർത്തിവയ്ക്കാൻ വൈസ് ചാൻസലർ ഡോ.എം.എസ്.രാജശ്രീ അനുമതി നൽകിയിരിക്കുന്നത്. വിവിധ വിദ്യാർത്ഥി സംഘടനകളും ഈ ആവശ്യം ഉന്നയിച്ച് നിവേദനം നൽകിയിരുന്നു.

മേയ് 20 മുതൽ എല്ലാ അക്കാദമിക പ്രവർത്തനങ്ങളും പുനരാരംഭിക്കുമെന്ന് സർവ്വകലാശാല അറിയിച്ചിട്ടുണ്ട്.