ഡല്ഹി ;കോവിഡ് വാക്സിന് സ്വീകരിച്ചവരുടെ എണ്ണത്തില് ഇന്ത്യ അമേരിക്കയെ മറികടന്നുവെന്ന് കേന്ദ്രസര്ക്കാര്. അമേരിക്ക 16.9 കോടി ഡോസ് വാക്സിന് നല്കിയെങ്കില് ഇന്ത്യ നല്കിയത് 17.2 കോടി ഡോസാണെന്നും അടുത്ത ദിവസങ്ങളില് പ്രതിരോധ കുത്തിവെപ്പ് ഊര്ജിതമാക്കുമെന്നും നിതി ആയോഗ് ആരോഗ്യ വിഭാഗം അംഗം വി.കെ. പോള് അറിയിച്ചു.
രാജ്യത്ത് 60 വയസ്സു കഴിഞ്ഞവരില് 43 ശതമാനം പേര്ക്ക് ഒരു ഡോസെങ്കിലും നല്കിയിട്ടുണ്ട്. വരുന്ന ആഴ്ചകളില് ഇത് 50 ശതമാനമായി ഉയര്ത്താനാവുമെന്നാണ് പ്രതീക്ഷ. 45 കഴിഞ്ഞവരില് 37 ശതമാനത്തിനും ഒരു ഡോസ് നല്കി. അന്താരാഷ്ട്ര തലത്തില് 10 ലക്ഷം പേര്ക്കിടയില് കോവിഡ് ബാധിതര് ശരാശരി 22,181 ആണെങ്കില് ഇന്ത്യയില് 20,519 മാത്രമാണെന്നും വി.കെ. പോള് പറഞ്ഞു.