ന്യൂഡല്ഹി: രാജ്യത്ത് 12 നും 18നും ഇടയില് പ്രായമുള്ള കുട്ടികള്ക്ക് വാക്സിന് സെപ്റ്റംബര് മുതല് വിതരണം ചെയ്യുമെന്ന് റിപ്പോര്ട്ട് .സൈഡസ് വാക്സിനാണ് നല്കുക. ഇതിന് അനുമതി ആഴ്ചകള്ക്കുള്ളില് ലഭ്യമാകുമെന്ന് ബന്ധപ്പെട്ട സമിതി അധ്യക്ഷന് ഡോ. എന്.കെ അറോറ വ്യക്തമാക്കി .
അതെ സമയം സൈഡസ് വാക്സിന് പിന്നാലെ കോവാക്സിനും അനുമതി നല്കും. കൊവാക്സിന് മൂന്നാംഘട്ട പരിശോധന ആരംഭിച്ചിട്ടുണ്ട്. സെപ്റ്റംബര് അവസാനത്തോടെ പൂര്ത്തിയാക്കി വാക്സിനേഷന് ഉപയോഗപ്പെടുത്താനാകുമെന്നാണ് വിദഗ്ധരുടെ പ്രതീക്ഷ . ജനുവരി- ഫെബ്രുവരിയില് രണ്ടിനും 18 നുമിടയില് പ്രായമുള്ള കുട്ടികള്ക്കും ലഭ്യമാക്കാനുമാകുമെന്ന് പ്രതീക്ഷിക്കുന്നതായി ഡോ. എന്.കെ അറോറ വ്യക്തമാക്കി.
കോവിഡ് മൂന്നാം തരംഗം കുട്ടികളെയും ബാധിക്കുമെന്ന വിദഗ്ധരുടെ മുന്നറിയിപ്പിന്റെ പശ്ചാത്തലത്തിലാണ് കുട്ടികളിലും വാക്സിനേഷന് നടത്തുന്നത്. എന്നാല്, കുട്ടികളെ കാര്യമായി വൈറസ് ബാധിക്കാനിടയില്ലെന്ന് പീഡിയാട്രിക് അസോസിയേഷന് ഉള്പെടെയുള്ള സംഘടനകള് ചൂണ്ടിക്കാട്ടുന്നു .