KeralaLatestThiruvananthapuram
ഉറങ്ങിക്കിടന്ന വയോധികയുടെ സ്വര്ണമാല കവര്ന്നു
തിരുവനന്തപുരം: കിളിമാനൂരില് വീടിനുള്ളില് ഉറങ്ങിക്കിടന്ന വയോധികയുടെ സ്വര്ണമാല കവര്ന്നു. കിളിമാനൂര് പാപ്പാല ഷാജഹാന് മന്സിലില് ഹമീദിന്റെ ഭാര്യ ജമീലാബീവി (73)യുടെ രണ്ടര പവന് തൂക്കമുള്ള മാലയാണ് മോഷ്ടാവ് കവര്ന്നത്. വെള്ളിയാഴ്ച പുലര്ച്ചെയാണ് സംഭവം. ജമീലാബീവിയും ഭര്ത്താവ് ഹമീദും(80) മാത്രമാണ് ഈ സമയം വീട്ടിലുണ്ടായിരുന്നത്. വീടിന്റെ ജനല് വഴിയാണ് മോഷ്ടാവ് അകത്തു കടന്നതെന്നാണ് പോലീസ് നിഗമനം. കിളിമാനൂര് പൊലീസ് സ്ഥലത്തെത്തി കേസെടുത്ത് അന്വേഷണം ആരംഭിച്ചു.