IndiaInternationalLatest
യെമന് വിമാനത്താവളത്തില് സ്ഫോടനം; 22 പേര് കൊല്ലപ്പെട്ടു
എദന്: യെമനിലെ തെക്കന് നഗരമായ എദനിലെ വിമാനത്താവളത്തിലുണ്ടായ സ്ഫോടനത്തില് 22 പേര് കൊല്ലപ്പെട്ടു. രാജ്യത്ത് പുതുതായി രൂപീകരിച്ച മന്ത്രിസഭയിലെ അംഗങ്ങള് എത്തിയതിന് പിന്നാലെയാണ് സ്ഫോടനം. മന്ത്രിമാര്ക്ക് ആര്ക്കും പരിക്കേറ്റിട്ടില്ല.
50ഓളം പേര്ക്ക് ആക്രമണത്തില് പരിക്കേറ്റുവെന്നാണ് റിപ്പോര്ട്ട്. അതേസമയം, ആക്രമണത്തിന്റെ ഉത്തരവാദിത്തം ആരും ഏറ്റെടുത്തിട്ടില്ല. ആദ്യത്തെ ആക്രമണം നടന്ന് മണിക്കൂറുകള്ക്കകം എദനിലെ മാഷേബ് പ്രസിഡന്ഷ്യല് കൊട്ടാരത്തിന് സമീപവും സ്ഫോടനമുണ്ടായെന്ന് സ്ഥിരീകരിക്കാത്ത റിപ്പോര്ട്ടുകളുണ്ട്.
സ്ഫോടനത്തെ യെമന് പ്രധാനമന്ത്രി മായീന് അബ്ദുല് മാലിക് അപലപിച്ചു. ഭീരുക്കളായ തീവ്രവാദികളാണ് ആക്രമണത്തിന് പിന്നിലെന്ന് മാലിക് പറഞ്ഞു. രാജ്യത്തെ തിരികെ കൊണ്ടു വരികയാണ് സര്ക്കാറിന്റെ ലക്ഷ്യമെന്ന് അദ്ദേഹം കൂട്ടിച്ചേര്ത്തു.