![“Manju”](https://santhigirinews.org/wp-content/uploads/2020/04/YOUTUBE.jpg")
തിരുവനന്തപുരം : കെഎസ്‌ആര്‍ടിസി തിരുവനന്തപുരത്ത് സ്ത്രീകള്‍ക്കായി സേഫ് സ്റ്റേ പദ്ധതി ഒരുക്കുന്നു. ആധുനിക രീതിയിലുള്ള 24 മണിക്കൂറും സുരക്ഷിതമായ താമസ സൗകര്യം എന്നാണ് കെഎസ്‌ആര്‍ടിസിയുടെ ഉറപ്പ്. തിരുവനന്തപുരം സെന്‍ട്രല്‍ സ്റ്റേഷനിലെ ഏറ്റവും മുകളിലത്തെ നിലയിലാണ് സേഫ് സ്റ്റേ. 4700 ചതുരശ്ര അടി സ്ഥലത്താണ് ഇതിന് സൗകര്യമൊരുക്കുന്നത്. സിംഗിള്‍, ഡബിള്‍, എസി, നോണ്‍ എസി മുറികളും ഡോര്‍മറ്ററികളും ഉണ്ടാകും. ലോക്കര്‍ സൗകര്യവും ഉണ്ടായിരിക്കും. വാഹനങ്ങള്‍ പാര്‍ക്ക് ചെയ്യുന്നതിന് പ്രത്യേക സൗകര്യവും 24 മണിക്കൂറും സുരക്ഷയും ഏര്‍പ്പെടുത്തും.
കെഎസ്‌ആര്‍ടി സി നേരിട്ടല്ല സേഫ് സ്റ്റേ നടത്തുന്നത്. എല്ലാ സൗകര്യങ്ങളുമൊരുക്കി നടത്തിപ്പിനായി കരാര്‍ നല്‍കാനാണ് പദ്ധതി. വ്യക്തികള്‍ക്കോ സ്ഥാപനങ്ങള്‍ക്കോ ഇത് ഏറ്റെടുത്ത് നടത്താം. താത്പര്യമുള്ളവര്‍ 17ന് രാവിലെ 11ന് മുമ്പ് കെഎസ്‌ആര്‍ടി സി കൊമേഴ്‌സ്യല്‍ വിഭാഗത്തില്‍ അപേക്ഷ നല്‍കണം.
