അഫ്ഗാനില് ഭക്ഷ്യശേഖരം തീരുന്നു
യുണൈറ്റഡ് നേഷന്സ്:അഫ്ഗാനിസ്താനില് പാവപ്പെട്ടവര്ക്ക് നല്കാനുള്ള ഭക്ഷണത്തിന്റെ ശേഖരം ഈ മാസം അവസാനത്തോടെ തീരുമെന്ന് ആശങ്കപ്പെട്ട് ഐക്യരാഷ്ട്രസഭ. കൂടുതല് ഭക്ഷണം ശേഖരിക്കാന് 20 കോടി യു.എസ്. ഡോളര് എത്രയും വേഗം ലഭ്യമാക്കണമെന്നും യു.എന്. ആവശ്യപ്പെട്ടു.
‘സെപ്റ്റംബര് അവസാനത്തോടെ ലോക ഭക്ഷ്യപദ്ധതിയുടെ ഭാഗമായുള്ള ശേഖരം തീരും. അടിയന്തരസഹായവുമായി രാജ്യങ്ങള് മുന്നോട്ടുവരണം. ഇല്ലെങ്കില് പതിനായിരങ്ങള് പട്ടിണിയിലാവും’ അഫ്ഗാനിസ്താനിലെ യു.എന്നിന്റെ പ്രത്യേക പ്രതിനിധി റാമിസ് അലാകബറോവ് പറഞ്ഞു.
രാജ്യത്തെ ജനസംഖ്യയുടെ മൂന്നിലൊന്നിനും ദിവസവും ഭക്ഷണം കഴിക്കാനാകുമോയെന്ന് ഉറപ്പില്ല. അഞ്ചുവയസ്സിനുതാഴെയുള്ള കുട്ടികളില് പകുതിയിലേറെ പേര്ക്കും അടുത്തവര്ഷത്തോടെ പോഷകാഹാരക്കുറവ് അനുഭവപ്പെടാന് സാധ്യതയുണ്ടെന്ന് യു.എന്. സെക്രട്ടറി ജനറല് ടെഡ്രോസ് അഥനോം ഗബ്രിയേസൂസും പറഞ്ഞു.