![“Manju”](https://santhigirinews.org/wp-content/uploads/2020/04/YOUTUBE.jpg")
ടോക്യേ: പാരലിമ്ബിക്സില്‍ ഇന്ത്യക്ക് വീണ്ടും സുവര്‍ണദിനം. പുരുഷ വിഭാഗം ബാഡ്മിന്‍റണ്‍ എസ്.എച്ച്‌ 6 വിഭാഗത്തില്‍ കൃഷ്ണ നഗറാണ് സ്വര്‍ണം നേടിയത്. ത്രില്ലിങ് ഫൈനലില്‍ ഹോങ്കോങ്ങിന്‍റെ കായ് മാന്‍ ചുവിനെയാണ് തോല്‍പിച്ചത്. സ്കോര്‍: 21-17, 16-21, 21-17. പാരബാഡ്മിന്‍റണിലെ ഇന്ത്യയുടെ രണ്ടാമത്തെ സ്വര്‍ണമാണിത്.
Wow. What a performance from #IND's @Krishnanagar99 😍
The leave that won 🇮🇳 it's 5th #Gold medal at the #Tokyo2020 #Paralympics 📽️👇#ParaBadminton pic.twitter.com/dkibiPQhCv
— #Tokyo2020 for India (@Tokyo2020hi) September 5, 2021
ശനിയാഴ്ച പുരുഷ വിഭാഗം സിംഗിള്‍സ് എസ്.എല്‍3 വിഭാഗത്തില്‍ ഇന്ത്യയുടെ പ്രമോദ് ഭാഗത് സ്വര്‍ണം നേടിയിരുന്നു. ഇതേ ഇനത്തില്‍ തന്നെ ഇന്ത്യയുടെ മനോജ് സര്‍ക്കാര്‍ വെങ്കലം നേടി. അവനി ലേഖാര (ഷൂട്ടിങ്), മനീഷ് നര്‍വാള്‍ (ഷൂട്ടിങ്), സുമിത് ആന്‍റില്‍ (ജാവലിന്‍ ത്രോ) എന്നിവരാണ് ടോക്യോയില്‍ ഇന്ത്യക്കായി സ്വര്‍ണം നേടിയ മറ്റ് താരങ്ങള്‍.
അഞ്ച് സ്വര്‍ണവും എട്ട് വെള്ളിയും ആറ് വെങ്കലവുമടക്കം പാരലിമ്ബിക്സിലെ ഇന്ത്യയുടെ മെഡല്‍ സമ്ബാദ്യം 19 ആയി.
