IndiaInternationalLatest
വനിതാവകാശ പ്രവര്ത്തകയായ ലൂജെയ്ന് ജയില് മോചിതയായി
റിയാദ്: ഭീകരപ്രവര്ത്തനം ആരോപിച്ച് സൗദി അറേബ്യ ജയിലിലടച്ച പ്രശസ്ത വനിതാവകാശ പ്രവര്ത്തക ലൂജെയ്ന് അല് ഹാത്ലൂന് മൂന്ന് വര്ഷങ്ങള്ക്കു ശേഷം മോചിതയായി.
ലൂജെയ്നിന്റെ സഹോദരി ലിനയാണ് വാര്ത്ത പുറത്തുവിട്ടത്. ബന്ധുക്കളും അന്താരാഷ്ട്ര മനുഷ്യാവകാശ സംഘടനകളും നടത്തിയ പോരാട്ടങ്ങള്ക്കൊടുവിലാണ് ലൂജെയ്നിന്റെ മോചനം.
സൗദിവിരോധമുള്ള സംഘടനകളുമായി ബന്ധമുണ്ടെന്നാരോപിച്ച് 2018-ലാണ് ലൂജെയ്നെയും മറ്റുചില സാമൂഹികപ്രവര്ത്തകരെയും അറസ്റ്റുചെയ്തത്. ഭീകരപ്രവര്ത്തനവുമായി ബന്ധപ്പെട്ട കേസുകള് കൈകാര്യംചെയ്യുന്ന പ്രത്യേക കോടതിയാണ് ലൂജെയ്നെ ശിക്ഷിച്ചത്.