ന്യൂഡല്ഹി: മൂന്നാമതും ആം ആദ്മി പാര്ട്ടിയുടെ ദേശീയ കണ്വീനറായി മുഖ്യമന്ത്രി അരവിന്ദ് കേജരിവാളിനെ തെരഞ്ഞെടുത്തു. ഈ തീരുമാനം എടുത്തത് ഞായറാഴ്ച്ച നടന്ന പാര്ട്ടിയുടെ ദേശീയ എക്സിക്യൂട്ടീവ് യോഗത്തിലാണ് . കൂടാതെ പങ്കജ് ഗുപ്തയെ ദേശീയ സെക്രട്ടറിയായും, എന്.ഡി. ഗുപ്തയെ ട്രഷററായും തെരഞ്ഞെടുത്തു.
പാര്ട്ടിയുടെ ദേശീയ കൗണ്സില് ആണ് 34 അംഗങ്ങളടങ്ങുന്ന പുതിയ എക്സിക്യൂട്ടീവ് കമ്മിറ്റിയെ തീരുമാനിച്ചത്. ഒരാള്ക്ക് രണ്ടു തവണ മാത്രമേ ഒരേ പദവി വഹിക്കാന് പാടുള്ളൂ എന്നായിരുന്ന പാര്ട്ടിയുടെ ചട്ടം കഴിഞ്ഞ വര്ഷം ഭേദഗതി ചെയ്തിരുന്നു.