KeralaLatestThiruvananthapuram
കലാ സാഹിത്യ മേഖലകളില് പ്രവര്ത്തിക്കുന്നതിന് സര്ക്കാര് ജീവനക്കാര്ക്ക് നിയന്ത്രണം
തിരുവനന്തപുരം: സംസ്ഥാനത്ത് സര്ക്കാര് സര്വ്വീസിലുള്ള ഉദ്യോഗസ്ഥര്ക്കും ജീവനക്കാര്ക്കും കലാ സാഹിത്യ മേഖലകളില് പ്രവര്ത്തിക്കുന്നതിന് നിയന്ത്രണങ്ങള് ഏര്പ്പെടുത്തി. അനുമതിയില്ലാതെ ഇനി സര്ക്കാര് ജീവനക്കാര്ക്ക് സ്വന്തം സാഹിത്യ സൃഷ്ടികള് പ്രസിദ്ധീകരിക്കാന് സാധിക്കില്ല.
പുതിയ ഉത്തരവ് പ്രകാരം സര്ക്കാര് ഉദ്യോഗസ്ഥര് സാഹിത്യ സൃഷ്ടികള് പ്രസിദ്ധീകരിക്കാനുള്ള അനുമതിക്കായി പൊതുവിദ്യാഭ്യാസ സെക്രട്ടറിക്ക് അപേക്ഷ നല്കണം.മാത്രമല്ല കലാ- സാഹിത്യ- സാംസ്കാരിക മേഖലകളില് പ്രവര്ത്തിക്കുന്നതിനും സര്ക്കാര് ജീവനക്കാര്ക്ക് നിയന്ത്രണമുണ്ട്. പുതിയ ഉത്തരവ് പ്രകാരം സര്ക്കാര് ജീവനക്കാരുടെ പെരുമാറ്റ ചട്ടങ്ങള്ക്കും നിര്ദ്ദേശങ്ങള്ക്കും ഉള്ളില് നിന്ന് മാത്രമേ പ്രവര്ത്തിക്കുവെന്ന് ജീവനക്കാര് സത്യവാങ്മൂലം നല്കണം.