ബഹുനില കെട്ടിടം തകര്‍ന്ന് വീണു- വീഡിയോ

ഷിംല: ഹിമാചല്‍പ്രദേശിലെ ഷിംലയില്‍ ബഹുനില കെട്ടിടം തകര്‍ന്ന് വീണു. കനത്ത മണ്ണിടിച്ചിലിനെത്തുടര്‍ന്നാണ് ഘോഡ ചൗക്കിലെ കെട്ടിടമാണ് നിലംപൊത്തിയത്. അപകടത്തില്‍ ആളപായമോ ആര്‍ക്കും പരിക്ക് സംഭവിച്ചതായോ റിപോര്‍ട് ചെയ്തിട്ടില്ല. വ്യാഴാഴ്ച വൈകുന്നേരമുണ്ടായ മഴയെത്തുടര്‍ന്നാണ് മണ്ണിടിച്ചിലുണ്ടായത്.
എട്ടുനില കെട്ടിടമാണ് തകര്‍ന്നതെന്ന് മുതിര്‍ന്ന ഉദ്യോഗസ്ഥന്‍ പറഞ്ഞു. വൈകുന്നേരം 5.45 നാണ് സംഭവം നടന്നതെന്ന് സംസ്ഥാന ദുരന്തനിവാരണ ഡയറക്ടര്‍ സുദേഷ് കുമാര്‍ മൊക്ത പറഞ്ഞു. സംഭവത്തെക്കുറിച്ച്‌ അന്വേഷണം നടത്താന്‍ സര്‍കാര്‍ ഉത്തരവിറക്കി.
ബഹുനില കെട്ടിടം സുരക്ഷിതമല്ലെന്ന് പ്രാദേശിക അധികാരികള്‍ നേരത്തെ മുന്നറിയിപ്പ് നല്‍കിയിരുന്നതില്‍ കെട്ടിടത്തില്‍ നിന്ന് ആളുകളെ ഒഴിപ്പിച്ചിരുന്നു. തകര്‍ന്ന കെട്ടിടത്തിന് സമീപം സ്ഥിതിചെയ്യുന്ന മറ്റ് കെട്ടിടങ്ങള്‍ക്കും ഇപ്പോള്‍ വിള്ളലുകളുണ്ടായിട്ടുണ്ട്. നഗരഭരണ മന്ത്രി സുരേഷ് ഭരദ്വാജ് സംഭവസ്ഥലം സന്ദര്‍ശിച്ച്‌ സ്ഥിതിഗതികള്‍ പരിശോധിച്ചു.

#WATCH | A multi-storey building collapsed at Kachi Ghati area of Himachal Pradesh's Shimla district on Thursday evening, no loss of life was reported.

A probe has been ordered by the government to look into the incident, said Urban development minister Suresh Bhardwaj. pic.twitter.com/IoNHk3yXmF

— ANI (@ANI) September 30, 2021